കൊല്ലം: താന്‍ ഒരു ഗ്രൂപ്പിന്റെയും ആളല്ലെന്നും എ.കെ ആന്റണിയുടെ അനുയായിയും ഹൈക്കമാന്‍ഡിന്റെ ആളുമാണെന്നും കോണ്‍ഗ്രസ് പാര്‍ലമെന്ററി പാര്‍ട്ടി സെക്രട്ടറി കൊടിക്കുന്നില്‍ സുരേഷ് എം.പി. കൊട്ടാരക്കരയില്‍ താന്‍ സുധീരന്‍ അനുകൂലികളുടെ ഗ്രൂപ്പുയോഗം വിളിച്ചെന്നുള്ളതു തെറ്റായ വാര്‍ത്തയാണ്. സുധീരന്‍ പ്രസിഡന്റായതിനുശേഷമാണ് തനിക്കു കെ.പി.സി.സിയില്‍ വേണ്ടത്ര പരിഗണന ലഭിച്ചത്. അക്കാര്യം തുറന്നുപറഞ്ഞതുകൊണ്ട് സുധീരന്‍ ഗ്രൂപ്പെന്നു പറയരുതെന്നും കൊടിക്കുന്നില്‍ പറഞ്ഞു.