നെടുമ്പാശ്ശേരി: പ്ലസ്ടു വിദ്യാര്‍ഥിനിയെ പീഡിപ്പിച്ച നാല് പേരെ പൊലിസ് കസ്റ്റഡിയിലെടുത്തു. മക്കളില്ലാത്ത ദമ്പതികളുടെ വളര്‍ത്തു മകളാണ് പീഡനത്തിനിരയായത്.
ചെങ്ങമനാട് പൊലിസ് സ്റ്റേഷന് കീഴിലെ അത്താണിയിലാണ് സംഭവം. എസ്.എസ്.എല്‍.സി പരീക്ഷക്ക് ഉന്നത വിജയം നേടിയ പെണ്‍കുട്ടി അടുത്തിടെയായി പഠനത്തില്‍ പിന്നോക്കം പോയതിനെ തുടര്‍ന്ന് നടത്തിയ കൗണ്‍സിലിങിലാണ് പീഡനം വിവരം പുറത്തായത്. അത്താണി സ്വദേശിയായ ഒരു ഓട്ടോറിക്ഷ ഡ്രൈവറും മറ്റ് രണ്ട് പേരും തമിഴ്‌നാട് സ്വദേശിയായ ഒരു ചെരുപ്പുകുത്തിയുമാണ് പൊലിസ് കസ്റ്റഡിയിലുള്ളതെന്നാണ് വിവരം.
മാതാപിതാക്കള്‍ വീട്ടിലില്ലാത്ത സമയത്തായിരുന്നു പീഡനം നടന്നത്. ചെങ്ങമനാട് പൊലിസ് കസ്റ്റഡിയിലെടുത്ത പ്രതികളെ ആലുവ ഡി.വൈ.എസ്.പി കെ.ജി. ബാബുകുമാറിന്റെ നേതൃത്വത്തില്‍ വിശദമായി ചോദ്യം ചെയ്ത് വരികയാണ്.