തൃപ്പൂണിത്തുറ: വില്‍പ്പനക്കായി കൊണ്ട്‌വന്ന 80 പൊതി കഞ്ചാവുമായി രണ്ട് ബസ് ജീവനക്കാരെ തൃപ്പൂണിത്തുറ എക്‌സൈസ് അറസ്റ്റു ചെയ്തു. പാല എറണാകുളം റൂട്ടിലോടുന്ന ശ്രീഭദ്ര ബസ്സിന്റെ കണ്ടക്ടര്‍ കണ്ണൂര്‍ കുന്നുവളപ്പില്‍ അനീഷ് (35), കോട്ടയം എറണാകുളംറൂട്ടിലോടുന്ന സെന്റ് മേരീസ് ബസിന്റെ ക്ലീനര്‍ കോട്ടയം സ്വദേശിബിനു (36) എന്നിവരാണ് അറസ്റ്റിലായത്.
പ്രതികളില്‍ അനീഷ്, കോട്ടയത്ത് സ്വകാര്യ ലോഡ്ജ് മാനേജര്‍ ഗോപിനാഥനെ കൊലപ്പെടുത്തിയ കേസിലെ നാലാം പ്രതിയാണ്. കുറച്ചു ദിവസങ്ങള്‍ക്ക് മുന്‍പും ബസ്ജീവനക്കാരെ എക്‌സൈസ് സംഘം കഞ്ചാവുമായി അറസ്റ്റുചെയ്തിരുന്നു.
ഇന്നലെ അറസ്റ്റിലായവര്‍ കോട്ടയത്തുനിന്നാണ്കഞ്ചാവ്‌കൊണ്ടുവരുന്നത് ചെറിയ ഒരുപൊതിയ്ക്ക് 500 രൂപ നിരക്കില്‍ ബസ് ജീവനക്കാര്‍ക്ക് വില്‍ക്കുകയായിരുന്നു ഇവരുടെ രീതി. കോടതിയില്‍ പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.