മനാമ: ബഹ്‌റൈനില്‍നിന്നു മത്സ്യബന്ധനത്തിന് പുറപ്പെട്ട നാലുപേര്‍ ഖത്തര്‍ കോസ്റ്റ് ഗാര്‍ഡ് അധികൃതരുടെ പിടിയിലായതായി ബഹ്‌റൈന്‍ ആഭ്യന്തര മന്ത്രാലയം അറിയിച്ചു. സമുദ്രാതിര്‍ത്തി ലംഘിച്ചെന്ന കാരണത്താലാണ് ഇവരെ ഖത്തര്‍ അധികൃതര്‍ പിടികൂടിയത്.
ഇതു സംബന്ധിച്ച നിയമനടപടികള്‍ നടക്കുന്നതായി ഖത്തര്‍ കോസ്റ്റ് ഗാര്‍ഡ് കമാന്‍ഡര്‍ ബഹ്‌റൈന്‍ അധികൃതരെ അറിയിച്ചു. പിടിയിലായവരുടെ പേരുവിവരങ്ങള്‍ അധികൃതര്‍ പുറത്തുവിട്ടിട്ടില്ല. ഇവര്‍ മത്സ്യത്തൊഴിലാളികളല്ലെന്നും വിനോദത്തിനായി മാത്രം മീന്‍പിടിക്കാന്‍ പോയവരാണെന്നും മുഹറഖ് ഫിഷര്‍ മെന്‍സ് സൊസൈറ്റി അറിയിച്ചു.