മാഡ്രിഡ്: സ്പാനിഷ് കിങ്‌സ് കപ്പ് (കോപ ഡെല്‍ റെ) പ്രീ ക്വാര്‍ട്ടര്‍ ആദ്യപാദ പോരാട്ടത്തില്‍ റയല്‍ മാഡ്രിഡിനു വിജയം. സെവിയ്യയെ മറുപടിയില്ലാത്ത മൂന്നു ഗോളുകള്‍ക്കാണ് റയല്‍ വീഴ്ത്തിയത്.
സൂപ്പര്‍ താരം ക്രിസ്റ്റ്യാനോ റൊണാള്‍ഡോയും കരിം ബെന്‍സമയും ഇല്ലാതെ ഇറങ്ങിയ റയലിനായി ആദ്യ ഇലവനില്‍ സ്ഥാനം കിട്ടിയ കൊളംബിയന്‍ താരം ജെയിംസ് റോഡ്രിഗസ് ഇരട്ട ഗോളുകള്‍ നേടി തിളങ്ങി. കളിയുടെ 11, 44 മിനുട്ടുകളിലാണ് റോഡ്രിഗസിന്റെ ഗോളുകള്‍ പിറന്നത്. ശേഷിച്ച ഗോള്‍ വരാനെയുടെ വകയായിരുന്നു.