ഫൈസാബാദ് (പട്ടിക്കാട്): സമ്മേളനത്തിന്റെ മൂന്നാം ദിവസമായ ഇന്ന് 'രാഷ്ട്രാന്തരീയം' സെമിനാറും 'സ്വഹാബ' എന്ന വിഷയത്തില്‍ പഠന സെഷനും നടക്കും. വൈകിട്ട് 4.30ന് നടക്കുന്ന സെമിനാര്‍ നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. പിണങ്ങോട് അബൂബക്കര്‍, ഷാഫി പറമ്പില്‍ എം.എല്‍.എ, സി.പി സൈതലവി, പി. സുരേന്ദ്രന്‍, സത്താര്‍ പന്തലൂര്‍, മുഹമ്മദ് അനീസ്, സിദ്ദീഖ് ഫൈസി വാളക്കുളം, മുജീബ് ഫൈസി പൂലോട് പ്രസംഗിക്കും.
6.30ന് നടക്കുന്ന 'സ്വഹാബ' സെഷനില്‍ കോഴിക്കോട് വലിയ ഖാസി സയ്യിദ് നാസര്‍ അബ്ദുല്‍ഹയ്യ് ശിഹാബ് തങ്ങള്‍ അധ്യക്ഷനാകും. കര്‍ണാടക മന്ത്രി യു.ടി ഖാദര്‍ ഉദ്ഘാടനം ചെയ്യും. വി.കെ ഇബ്രാഹിം കുഞ്ഞ് എം.എല്‍.എ മുഖ്യാതിഥിയാകും. ഖുലഫാഉറാശിദീന്‍: ഇസ്‌ലാമിന്റെ മാതൃകാ ഭരണാധികാരികള്‍, മുഹാജിറുകളും അന്‍സ്വാറുകളും: സാഹോദര്യത്തിന്റെ അതുല്യ മാതൃകകള്‍, ഉമ്മഹാത്തുല്‍ മുഅ്മിനീന്‍: ഉത്തമ ജീവിതങ്ങള്‍ എന്നീ വിഷയങ്ങളില്‍ സ്വലാഹുദ്ദീന്‍ ഫൈസി വല്ലപ്പുഴ, അബ്ദുസ്സലാം ഫൈസി ഒളവട്ടൂര്‍,സി. ഹംസ വിഷയമവതരിപ്പിക്കും. അബ്ദുല്‍ ഗഫൂര്‍ ഖാസിമി സമാപനപ്രസംഗം നടത്തും.