തുറവൂര്‍:റോഡ് മുറിച്ച് കടക്കുകയായിരുന്ന കാല്‍ നടയാത്രക്കാരിയെ രക്ഷിക്കാനുള്ള ശ്രമത്തിനിടെ കാര്‍ ഡിവൈഡറിലിടിച്ച് തല കീഴായി മറിഞ്ഞു. കാറിലുണ്ടായിരുന്ന മൂന്ന് പേര്‍ പരുക്കേല്‍ക്കാതെ രക്ഷപ്പെട്ടു.ദേശീയപാതയില്‍ തുറവൂര്‍ പഞ്ചായത്ത് ഓഫീസിനു സമീപം ഇന്നലെ ഉച്ചയ്ക്ക് 12 ഓടെയായിരുന്നു അപകടം. നെടുമ്പാശേരി എയര്‍പോര്‍ട്ടിലെത്തിയ യാത്രക്കാരുമായി ആലപ്പുഴ ഭാഗത്തേക്ക് പോയ കാറാണ് അപകടത്തില്‍പ്പെട്ടത്. അപകടത്തില്‍പ്പെട്ട കാറിലുണ്ടായിരുന്നവരെ നാട്ടുകാര്‍ ആശുപത്രിയിലെത്തിച്ചു. ഇവരെ പിന്നീട് പ്രഥമ ശുശ്രുഷ നല്‍കി വിട്ടയച്ചു .