തൊടുപുഴ: കോല്‍കളിയില്‍ ഇത്തവണയും ഒന്നാം സ്ഥാനം നേടിയ തൊടുപുഴ സെന്റ്. സെബാസ്റ്റ്യന്‍സ് എച്ച്.എസ്.എസ് ടീമിന് തുടര്‍ച്ചയായ രണ്ടാം വര്‍ഷത്തെ വിജയം ഏറെ ആത്മസംതൃപ്തിയേകുന്നു. കഴിഞ്ഞ തവണ സംസ്ഥാന സ്‌കൂള്‍ മത്സരത്തില്‍ എ ഗ്രേഡ് നേടിയ ടീം ഒരിക്കല്‍ കൂടി തങ്ങളുടെ കഴിവ് തെളിയിച്ചിരിക്കുകയാണ്.
മാഹിന്‍ ആലുവ പരിശീലിപ്പിച്ച പന്ത്രണ്ടംഗ ടീമിന്റെ ക്യാപ്റ്റന്‍ പത്താംതരം വിദ്യാര്‍ഥി ബിബിന്‍ ബിനോയിയാണ്.
സ്വന്തം തട്ടകത്തില്‍ നടന്ന മത്സരത്തില്‍ ഒന്നാം സ്ഥാനം നേടിയതില്‍ ഏറെ അഭിമാനമുണ്ടെന്ന് ടീമിന്റെ നായകന്‍ പറഞ്ഞു. മാഹിന്‍ മാഷ് തന്നെ രചിച്ച ഇബ്‌നു മുഹിയിദ്ദീന്‍ അനുകൂല സുന്ദര എന്ന ഗാനം ആലപിച്ചാണ് കോല്‍കളി അരങ്ങേറിയത്.