തൊടുപുഴ: ജില്ലാ സ്‌കൂള്‍ കലോത്സവം രണ്ടാം ദിനം പിന്നിടുമ്പോള്‍ തൊടുപുഴ ഉപജില്ല മുന്നേറുന്നു. ഹൈസ്‌കൂള്‍, ഹയര്‍സെക്കന്‍ഡറി വിഭാഗങ്ങളിലാണ് തൊടുപുഴയുടെ മുന്നേറ്റം.
യു.പി വിഭാഗത്തില്‍ കട്ടപ്പനയും തൊടുപുഴയും തമ്മില്‍ ഇഞ്ചോടിഞ്ച് പോരാട്ടമാണ് നടക്കുന്നത്. 17 ഇനങ്ങള്‍ പൂര്‍ത്തിയാപ്പോള്‍ കട്ടപ്പന 71 പോയിന്റു നേടിയപ്പോള്‍ തൊടുപുഴയ്ക്ക് 70 പോയിന്റാണുള്ളത്.
ഹയര്‍സെക്കന്‍ഡറി വിഭാഗത്തില്‍ 44 ഇനങ്ങള്‍ പൂര്‍ത്തിയായപ്പോള്‍ 169 പോയിന്റും ഹൈസ്‌കൂള്‍ വിഭാഗത്തില്‍ 38 ഇനങ്ങള്‍ പൂര്‍ത്തിയാപ്പോള്‍ 180 പോയിന്റും നേടി തൊടുപുഴ മുന്നേറുകയാണ്.
ഹൈസ്‌കൂള്‍ വിഭാഗത്തില്‍ 150 പോയിന്റുമായി കട്ടപ്പനയാണ് രണ്ടാം സ്ഥാനത്ത്. ഹയര്‍ സെക്കന്‍ഡറി വിഭാഗത്തില്‍ 152 പോയിന്റുമായി അടിമാലി ഉപജില്ല രണ്ടാം സ്ഥാനത്തുണ്ട്.
സ്‌കൂള്‍ തലത്തില്‍ ഹൈസ്‌കൂള്‍ -ഹയര്‍ സെക്കന്‍ഡറി വിഭാഗങ്ങളില്‍ കുമാരമംഗലം എം.കെ.എന്‍.എം.എച്ച്.എസ്.എസിനാണ് ലീഡ്.
ഹയര്‍ സെക്കന്‍ഡറിയില്‍ കുമാരമംഗലം 55 പോയിന്റു നേടിയപ്പോള്‍ തൊട്ടുപിന്നിലുള്ള മുതലക്കോടം സെന്റ് ജോര്‍ജ് എച്ച്.എസ് 43 പോയിന്റു നേടി.
ഹൈസ്‌കൂള്‍ തലത്തില്‍ കുമാരമംഗലം 55 പോയിന്റുമായി മുന്നേറുമ്പോള്‍ തൊട്ടുപിന്നിലുള്ള കട്ടപ്പന ഓസാനത്തിന് 38 പോയിന്റാണുള്ളത്. യു.പി വിഭാഗത്തില്‍ 25 വീതം പോയിന്റുകളുമായി അട്ടപ്പള്ളം സെന്റ് തോമസ് ഇ.എം.എച്ച്.എസ്.എസും മൂലമറ്റം എസ്.എച്ച്.ഇ.എം.എച്ച്.എസും ഒന്നാം സ്ഥാനത്തു തുടരുന്നു.
20 പോയിന്റുമായി ഇരട്ടയാര്‍ എസ്.ടി.എച്ച്.എസ്.എസും പോത്തിന്‍കണ്ടം എസ്.എന്‍.യു.പി.എസും തൊട്ടുപിന്നിലുണ്ട്.