വെഞ്ഞാറമൂട്: കാറും ബൈക്കും കൂട്ടിയിടിച്ച് യുവതി മരിച്ചു. സഹോദരന് പരുക്ക്. കന്യാകുളങ്ങര ശ്രേയസ്സില്‍ പ്രസാദിന്റെ ഭാര്യ ജലജകുമാരി (39) യാണ് മരിച്ചത്. ഇവരുടെ സഹോദരന്‍ സന്തോഷ്‌കുമാറിനാണ് പരുക്കേറ്റത്.ഇന്നലെ രാവിലെ ഒമ്പതിനു നാലാഞ്ചിറ ജങ്ഷനുസമീപത്തായിരുന്നു അപകടം.ജലജകുമാരിയെ ഡയാലിസിസിന് കൊണ്ടുപോകുന്നതിനിടെ ഇവര്‍ സഞ്ചരിച്ചിരുന്ന ബൈക്കില്‍ എതിരേവന്ന കാര്‍ ഇടിക്കുകയായിരുന്നു.ഗുരുതരമായി പരുക്കേറ്റ ഇരുവരെയും നാട്ടുകാര്‍ തിരുവനന്തപുരം മെഡിക്കല്‍കോളജില്‍ പ്രവേശിപ്പിച്ചുവെങ്കിലും ജലജകുമാരി മരിച്ചു. മകള്‍: സിബിയ.