കഠിനംകുളം:ബൈക്കിലെത്തിയ രണ്ടംഗ സംഘം പ്ലസ്ടു വിദ്യാര്‍ഥിനിയുടെ മാല പിടിച്ചുപറിച്ചു. ചെമ്പഴന്തി ആനന്ദേശ്വരം ഗോപികയില്‍ സുരേന്ദ്രന്റെ മകള്‍ ഗോപിക എസ് നായരുടെ ഒന്നരപ്പവന്റെ മാലയാണ് ഹെല്‍മെറ്റ് ധരിച്ചു ബൈക്കിലെത്തിയ സംഘം കവര്‍ന്നത്.
ഇന്നലെ വൈകുന്നേരം അഞ്ചുമണിക്ക് ആനന്ദേശ്വരത്തെ വീടിനു സമീപം ഇടവഴിയില്‍ ആയിരുന്നു സംഭവം .
ദൃക്‌സാക്ഷികളായവര്‍ പുറകെ ബൈക്കില്‍ പിന്തുടര്‍ന്നെങ്കിലും മോഷ്ടാക്കള്‍ അമിത വേഗതയില്‍ ബൈക്കോടിച്ചു രക്ഷപ്പെട്ടു. പിന്നീട് കഴക്കൂട്ടം സി.ഐ അജയ്കുമാറിന്റെ നേതൃത്വത്തിലുള്ള പൊലിസ് സംഘം തിരച്ചില്‍ നടത്തിയെങ്കിലും കണ്ടെത്താനായില്ല.