വണ്ടൂര്‍: ബി.ആര്‍.സിതല ഭിന്നശേഷി കായികമേള പത്തിരിയാല്‍ എ.എം.എല്‍.പി സ്‌കൂളില്‍ നടന്നു. മേള എടവണ്ണ എസ്.ഐ വിനു തോമസ് ഉദ്ഘാടനം ചെയ്തു. സബ് ജില്ലയിലെ ഏഴ് പഞ്ചായത്തുകളില്‍ നിന്നും തെരഞ്ഞെടുത്ത അന്‍പതോളം കുട്ടികള്‍ കായികമേളയില്‍ പങ്കെടുത്തു. 50 മീറ്റര്‍ ഓട്ടമത്സരം മ്യൂസിക് ചെയര്‍, ബോള്‍ ത്രോ, തുടങ്ങിയ മത്സരങ്ങളാണ് നടന്നത്.
പങ്കെടുത്ത എല്ലാ കുട്ടികള്‍ക്കും പഞ്ചായത്ത് വക ഫോട്ടോ പതിച്ച മൊമെന്റോ നല്‍കി. ചടങ്ങില്‍ നാടന്‍ പാട്ടുകാരനും അഭിനേതാവുമായ സുരേഷ് തിരുവാലിയുടെ കലാ പരിപാടികളും അറങ്ങേറി. ബി.പി.ഒ സുനിത, പഞ്ചായത്ത് പ്രസിഡന്റ് എ കോമളവല്ലി, പി ഗൗരി, സി.കെ ജയദേവ്, എ.എം അന്‍ഫഹ്, മുബാറക്, ബി.ആര്‍.സി ട്രെയിനര്‍ പി.പി അനീസ് സംസാരിച്ചു.