കോട്ടക്കല്‍: പുത്തൂര്‍-ചെനക്കല്‍ ബൈപ്പാസ് കാടുമൂടിയത് ദുരിതമാകുന്നു. ഇരുവശങ്ങളും ഒരാള്‍ പൊക്കത്തില്‍ കാടുമൂടിയതോടെ മാലിന്യങ്ങള്‍ നിറഞ്ഞിരിക്കുകയാണ്. പ്ലാസ്റ്റിക് കവറുകളിലാക്കി തള്ളിയ മാലിന്യങ്ങളാണ് ഇരുവശവും.
സന്നദ്ധ സംഘടനകളുടെയും വിദ്യാര്‍ഥികളുടെയും നേതൃത്വത്തില്‍ പ്രദേശത്ത് ഇടക്കിടെ ശുചീകരണം നടക്കാറുണ്ടെങ്കിലും കാടുമൂടിയതോടെയാണ് മാലിന്യങ്ങള്‍ ഏറിയത്. പ്രഭാതസവാരിക്കെത്തുന്നവര്‍ക്കും ദുര്‍ഗന്ധം കാരണം ബുദ്ധിമുട്ട് ഏറെയാണ്. ബൈപ്പാസ് സൗന്ദര്യവല്‍ക്കരണത്തിന്റെ ഭാഗമായി വശങ്ങളില്‍ മരങ്ങള്‍ നട്ടുപിടിപ്പിച്ചുട്ടെങ്കിലും അതൊന്നും സംരക്ഷിക്കുന്നുമില്ല.