കൂറ്റനാട്: കക്കാട്ടിരി ദുബായ് റോഡില്‍ താമസിക്കുന്ന കണ്ണാലത്തു വളപ്പില്‍ റഷീദിന്റെ വീട്ടു വളപ്പില്‍ നിന്നും മലമ്പാമ്പുകളെ പിടികൂടി. ഇന്നലെ രാവിലെയാണ് വീട്ടു വളപ്പില്‍ രണ്ടു മലമ്പാമ്പുകളെ കണ്ടെത്തിയത്. ഇതിനെ തുടര്‍ന്ന് നാട്ടുകാര്‍ പാമ്പു പിടുത്തക്കാരന്‍ കൈപ്പുറം അബ്ബാസിനെ വിവരം അറിയിക്കുകയും നാട്ടുകാരുടെ സഹായത്തോടെ മലമ്പാമ്പിനെ പിടികൂടി വനം വകുപ്പിന് കൈമാറുകയും ചെയ്തു. തൊട്ടടുത്തുള്ള പുളിയപറ്റ കായലില്‍നിന്നും കയറിവന്നാതാകാമെന്നാണ് നാട്ടുകാര്‍ പറയുന്നത്. പുളിയപറ്റ കായലില്‍ മലമ്പാമ്പുകള്‍ ഏറെയുള്ളതായി കൃഷിക്കാരും, മീന്‍ പിടുത്തക്കാരും പറയുന്നു.