ന്യൂഡല്‍ഹി: ബംഗളുരു- ഡല്‍ഹി സ്‌പൈസ് ജെറ്റ് വിമാനം അടിയന്തരമായി നിലത്തിറക്കി. ഇന്നു രാവിലെയാണ് സംഭവം. ന്യൂഡല്‍ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിലാണ് അടിയന്തര ലാന്റിങ് നടത്തിയത്.

വിമാനത്തിന്റെ ഹൈഡ്രോളിക് സംവിധാനത്തിലുണ്ടായ തകരാര്‍മൂലമാണ് വിമാനം അടിയന്തരമായി ഇറക്കേണ്ടി വന്നത്. വിമാനത്തിലുണ്ടായിരുന്ന യാത്രക്കാരും ജീവനക്കാരും സുരക്ഷിതരാണെന്ന് വിമാന അധികൃതര്‍ അറിയിച്ചു.