ചെന്ത്രാപ്പിന്നി: എടമുട്ടം ലയണ്‍സ് ക്ലബ്ബിന്റെ ആഭിമുഖ്യത്തില്‍ ശുചിത്വ കേരളം പദ്ധതിയുടെ ഭാഗമായി ചെന്ത്രാപ്പിന്നി ഹയര്‍സെക്കന്ററി സ്‌കൂളിലേക്ക് വെയ്സ്റ്റ് ബിന്‍ നല്‍കി. രാവിലെ നടന്ന ചടങ്ങില്‍ ലയണ്‍സ് ക്ലബ്ബ് സെക്കന്റ് വൈസ് ഡിസ്ട്രിക് ഗവര്‍ണര്‍ ഇ.ഡി ദീപക് വിതരാണോദ്ഘാടനം നിര്‍വഹിച്ചു. പ്രധാന അധ്യാപകന്‍ പി.ബി കൃഷ്ണകുമാര്‍ അധ്യക്ഷനായി. ലയണ്‍സ് ക്ലബ്ബ് പ്രോജക്ട് അഡൈ്വസര്‍ എം.ഡി ഇഗ്‌നേഷ്യസ് പദ്ധതി വിശദീകരണം നടത്തി.
എടമുട്ടം ലയണ്‍സ് ക്ലബ്ബ് പ്രസിഡന്റ് പി.എന്‍ സുചിന്ദ്, ഡിസ്ട്രിക് ചെയര്‍പേഴ്‌സണ്‍മാരായ ടി.കെ സുഗതന്‍, രഘുനാഥ്, പഞ്ചായത്തംഗം ടി.വി മനോഹരന്‍, എം.ജി സുകുമാരന്‍, എം.ജി മോഹനന്‍, ടി.കെ നരേന്ദ്രന്‍, സജീവ് മാസ്റ്റര്‍ സംസാരിച്ചു.