മലപ്പുറം: സംസ്ഥാന വ്യാപകമായി വിജിലന്‍സ് സിനിമാ തിയറ്ററുകളില്‍ നടത്തുന്ന പരിശോധനയുടെ ഭാഗമായി ഇന്നലെ ജില്ലയിലെ തിയറ്ററുകളിലും പരിശോധന നടത്തി. നഗരസഭകള്‍ക്കു നല്‍കുന്ന കളക്ഷന്‍ റെക്കോര്‍ഡുകളാണ് പരിശോധിച്ചത്. ഇതില്‍ ക്രമക്കേടുകളൊന്നും കണ്ടെത്താനായിട്ടില്ല.
എന്നാല്‍, തിയറ്റര്‍ ഉടമകള്‍ വിതരണക്കാര്‍ക്കു നല്‍കുന്ന കളക്ഷന്‍ റെക്കോര്‍ഡില്‍ തിരിമറി നടക്കുന്നുണ്ടോയെന്നു പരിശോധിക്കും.
മലപ്പുറം, പെരിന്തല്‍മണ്ണ, നിലമ്പൂര്‍, കോട്ടക്കല്‍ എന്നിവിടങ്ങളിലാണ് ഇന്നലെ പരിശോധന നടന്നത്.