എടപ്പാള്‍: എടപ്പാള്‍ സ്‌പോര്‍ട്‌സ് അസോസിയേഷന്‍ സംഘടിപ്പിക്കുന്ന സെവന്‍സ് ഫുട്‌ബോള്‍ മേളയ്ക്ക് തുടക്കമായി. ശുകപുരം സഫാരി മൈതാനിയില്‍ നടക്കുന്ന ടൂര്‍ണമെന്റ് പൊന്നാനി തഹസില്‍ദാര്‍ എം.എച്ച് ഹരീഷ് ഉദ്ഘാടനം ചെയ്തു. സഫ ഷാജി അധ്യക്ഷനായി. ചങ്ങരംകുളം എസ്.ഐ കെ.പി.മനീഷ്, അഡ്വ.പി.പി.മോഹന്‍ദാസ്, പി.പി.ബിജോയ്, യു.പി.പുരുഷോത്തമന്‍, സുരേഷ് പൊല്‍പ്പാക്കര, ചട്ടിക്കല്‍ മാധവന്‍, എം.എ.നവാബ്, അന്‍വര്‍ തറക്കല്‍, കൈപ്പള്ളി സെക്കീര്‍, അന്‍വര്‍ എടപ്പാള്‍, പ്രഭാകരന്‍ നടുവട്ടം, ഇ.പ്രകാശന്‍, ടി.പി.മുഹമ്മദ് സംസാരിച്ചു. 7,000 പേര്‍ക്കിരിക്കാവുന്ന ഫ്‌ളഡ്‌ലിറ്റ് ഗാലറിയില്‍ നടക്കുന്ന മത്സരത്തില്‍ 33 ടീമുകള്‍ പങ്കെടുക്കുന്നു. ലഭിക്കുന്ന ആദായത്തിന്റെ ഒരു വിഹിതം വട്ടംകുളം പഞ്ചായത്തിലെ പരിരക്ഷാ രോഗികളുടെ ചികിത്സാഫണ്ടണ്ടിലേക്കും ഗ്രാമപഞ്ചായത്ത് പ്രസിഡന്റിന്റെ ദുരിതാശ്വാസനിധിയിലേക്കും നല്‍കാനാണ് സംഘാടകരുടെ തീരുമാനം.