കാഞ്ഞങ്ങാട്: പ്രസിദ്ധമായ മാണിക്കോത്ത് മഖാം ഉറൂസ് ഒന്‍പതിനു തുടങ്ങുമെന്നു ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഉച്ചക്ക് ഒന്നിനു മഖാം സിയാറത്തോടെ ഉറൂസ് ചടങ്ങുകള്‍ക്കു തുടക്കമാകും. നാലിനു ജമാഅത്ത് കമ്മിറ്റി പണിയുന്ന ഷോപ്പിങ് കോംപ്ലക്‌സിന്റെ തറക്കല്ലിടല്‍ ചടങ്ങും ഏഴിനു സമ്മേളന ഉദ്ഘാടനവും കാഞ്ഞങ്ങാട് സംയുക്ത മുസ്‌ലിം ജമാഅത്ത് ഖാസി സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ നിര്‍വഹിക്കും. ജമാഅത്ത് പ്രസിഡന്റ് മുബാറക് ഹസൈനാര്‍ ഹാജി അധ്യക്ഷനാകും. ഒന്‍പതു മുതല്‍ 14 വരെ നടക്കുന്ന മതപ്രഭാഷണ പരമ്പരയില്‍ പ്രമുഖര്‍ പ്രഭാഷണം നടത്തും. പ്രമുഖ സയ്യിദുമാര്‍ പ്രാര്‍ഥനയ്ക്കു നേതൃത്വം നല്‍കും. 15നു വൈകുന്നേരം അന്നദാനത്തോടെ ചടങ്ങുകള്‍ സമാപിക്കും. സണ്‍ലൈറ്റ് അബ്ദുല്‍ റഹിമാന്‍ ഹാജി,കബീര്‍ ഫൈസി ചെറുകോട്,ഹാഫിള് മുഹമ്മദ് യാസീന്‍ കുഞ്ഞഹമ്മദ്,മുഹമ്മദ് സുലൈമാന്‍ തുടങ്ങിയവര്‍ സംസാരിക്കും.
വാര്‍ത്താ സമ്മേളനത്തില്‍ മുബാറക് ഹസൈനാര്‍ ഹാജി,സണ്‍ലൈറ്റ് അബ്ദുല്‍ റഹിമാന്‍ ഹാജി,എം.വി.നൗഷാദ്,അബ്ദുള്‍റഹിമാന്‍,കരീം മൈത്രി,ഫാറൂഖ് തായല്‍,ശറഫുദ്ധീന്‍,അക്ബര്‍,ഷുഹൈല്‍ സംബന്ധിച്ചു.