കൊല്ലം: ചിന്നക്കട കുളത്തില്‍പുരയിടത്തില്‍ കൃഷ്ണകുമാറിനെ കൊലപ്പെടുത്തിയ കേസില്‍ ഒളിവിലായിരുന്ന പ്രതി കോടതിയില്‍ കീഴടങ്ങി. ചിന്നക്കട പുതുവല്‍പുരയിടത്തില്‍ അയ്യപ്പനാ(31)ണ് കീഴടങ്ങിയത്. ഇയാളെ കസ്റ്റഡിയില്‍ ലഭിക്കുന്നതിന് ക്രൈംബ്രാഞ്ച് കോടതിയില്‍ അപേക്ഷ നല്‍കി. തമിഴ്‌നാട്ടില്‍ ഒളിവിലായിരുന്ന അയ്യപ്പനുവേണ്ടി ക്രൈംബ്രാഞ്ച് വ്യാപക അന്വേഷണം നടത്തുന്നതിനിടെയാണ് കീഴടങ്ങല്‍.
കൃഷ്ണകുമാറിന്റേതെന്ന് കരുതുന്ന മൃതദേഹാവശിഷ്ടങ്ങളുടെ ശാസ്ത്രീയപരിശോധന റിപ്പോര്‍ട്ട് വൈകാതെ ലഭ്യമാവുമെന്ന പ്രതീക്ഷയിലാണ് അന്വേഷണ സംഘം. ചിന്നക്കട പൈ ഗോഡൗണ്‍ വളപ്പിലെ സെപ്റ്റിക് ടാങ്കില്‍ നിന്നാണ് കഴിഞ്ഞ മൂന്നിന് കൃഷ്ണകുമാറിന്‍േറതെന്ന് കരുതുന്ന ശരീരാവശിഷ്ടങ്ങള്‍ കിട്ടിയത്.