തിരുവനന്തപുരം: സംസ്ഥാനത്തെ പൊലിസിനെ നിയന്ത്രിക്കുന്നതില്‍ പരാജയപ്പെട്ട മുഖ്യമന്ത്രി പൊലിസ് ഭരണം സി.പി.എമ്മുകാരുടെ കൈയില്‍ ഏല്‍പ്പിച്ച് കൊടുത്തെന്ന് പ്രതിപക്ഷ നേതാവ് രമേശ് ചെന്നിത്തല. കേന്ദ്രത്തിന്റെ ജനവിരുദ്ധ നയങ്ങള്‍ക്കെതിരെ എ.ഐ.സി.സി ദേശീയ തലത്തില്‍ ആവിഷ്‌കരിച്ചിരിക്കുന്ന സമരത്തിന്റെ ഭാഗമായി ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ നടന്ന ആര്‍.ബി.ഐ ഓഫീസ് പിക്കറ്റിങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മോദി സര്‍ക്കാര്‍ ജനങ്ങളെ ദുരിതത്തിലാഴ്ത്തുമ്പോള്‍ കേരളത്തില്‍ പിണറായി വിജയന്‍ അനുദിനം കേരളത്തെ പ്രതിസന്ധിയിലേക്ക് നയിക്കുകയാണെന്നും ചെന്നിത്തല പറഞ്ഞു.