വാടാനപ്പള്ളി: തളിക്കുളം കച്ചേരിപടിക്ക് സമീപം ബൈക്കുകള്‍ കൂട്ടിയിടിച്ചുണ്ടായ അപകടത്തില്‍ ബൈക്ക് യാത്രികരായ മൂന്നു പേര്‍ക്ക് പരുക്കേറ്റു. രണ്ടു പേരുടെ നില ഗുരുതരമാണ്. തളിക്കുളം പുതുകുളങ്ങര സ്വദേശി പുതിയവീട്ടില്‍ ജലാല്‍ മകന്‍ അനസ്(21), തളിക്കുളം ഇടശ്ശേരി സ്വദേശി സ്രാംബിയക്കല്‍ വീട്ടില്‍ അബ്ദുള്‍റസാഖ് മകന്‍ മുഹമ്മദ് റാസിം (21), തളിക്കുളം പത്താംകല്ല് സ്വദേശി അറക്കവീട്ടില്‍ അബ്ദുള്‍ സലീം മകന്‍ ഷംസുദ്ധീന്‍(50) എന്നിവര്‍ക്കാണ് പരുക്കേറ്റത്. കഴിഞ്ഞ ദിവസം രാത്രി ഒന്‍പതോടെയായിരുന്നു അപകടം. സാരമായി പരിക്കേറ്റ മൂന്നു പേരേയും തൃശൂര്‍ വെസ്റ്റ് ഫോര്‍ട്ട് ആശുപത്രിയില്‍ പ്രവേശിപ്പിച്ചു.