സിഡ്‌നി: ആസ്‌ത്രേലിയക്കെതിരായ മൂന്നാം ക്രിക്കറ്റ് ടെസ്റ്റില്‍ പാകിസ്താന്‍ പരാജയം ഒഴിവാക്കാന്‍ പൊരുതുന്നു.  465 റണ്‍സ് വിജയ ലക്ഷ്യം പിന്തുടരുന്ന പാകിസ്താന്‍ നാലാം ദിനം കളി നിര്‍ത്തുമ്പോള്‍ ഒരു വിക്കറ്റ് നഷ്ടത്തില്‍ 55 റണ്‍സെന്ന നിലയില്‍. അസ്ഹര്‍ അലി (11), നെറ്റ് വാച്ച്മാന്‍ യാസിര്‍ ഷാ (മൂന്ന്) എന്നിവരാണ് ക്രീസില്‍. ആസ്‌ത്രേലിയ രണ്ടാമിന്നിങ്‌സില്‍ രണ്ടു വിക്കറ്റ് നഷ്ടത്തില്‍ 241 റണ്‍സെന്ന നിലയില്‍ ഡിക്ലയര്‍ ചെയ്ത് 465 റണ്‍സ് വിജയ ലക്ഷ്യം വയ്ക്കുകയായിരുന്നു. നേരത്തെ ആസ്‌ത്രേലിയ 538 റണ്‍സെടുത്തപ്പോള്‍ പാക് പോരാട്ടം 315 റണ്‍സില്‍ അവസാനിച്ചു. യൂനിസ് ഖാന്‍ പുറത്താകെ 175 റണ്‍സെടുത്തു.
ബാഴ്‌സ തോറ്റു
മാഡ്രിഡ്: സ്പാനിഷ് കിങ്‌സ് കപ്പ് പ്രീ ക്വാര്‍ട്ടര്‍ ആദ്യപാദ പോരാട്ടത്തില്‍ ബാഴ്‌സലോണയ്ക്ക് തോല്‍വി. 2-1നു അവരെ അത്‌ലറ്റിക്ക് ബില്‍ബാവോ വീഴ്ത്തി.