ആലപ്പുഴ: യു.ഡി.എഫിന് ജനകീയ പ്രശ്‌നങ്ങളില്‍ ശക്തമായി ഇടപെടാന്‍ കോണ്‍ഗ്രസിലെ പ്രശ്‌നങ്ങള്‍ ഉടന്‍ തീര്‍ക്കേണ്ടതുണ്ടെന്ന് ജനതാദള്‍ യുണൈറ്റഡ് സംസ്ഥാന സെക്രട്ടറി ജനറല്‍ ഷേക് പി. ഹാരിസ് വാര്‍ത്താസമ്മേളനത്തില്‍ പറഞ്ഞു. കോണ്‍ഗ്രസിലെ അഭ്യന്തര പ്രശ്‌നങ്ങള്‍ മുന്നണിയുടെ സുതാര്യമായ പ്രവര്‍ത്തനങ്ങളെ സാരമായി ബാധിക്കുന്നുണ്ട്. ഇതിനെ ഘടകകക്ഷികളും ഗൗരവമായി കാണുന്നുണ്ടെന്നാണ് തന്റെ വിശ്വാസമെന്നും ഷേക്ക് പി ഹാരിസ് പറഞ്ഞു.