ജലന്ദര്‍: പഞ്ചാബ് കോണ്‍ഗ്രസ് വൈസ് പ്രസിഡന്റും മുന്‍ മന്ത്രിയുമായ അവതാര്‍ ഹെന്‍ട്രിയുടെ പേര്‍ വോട്ടര്‍പട്ടികയില്‍നിന്നു പുറത്ത്. തെരഞ്ഞെടുപ്പ് കമ്മിഷന്‍ പുറത്തിറക്കിയ പുതിയ പട്ടികയിലാണു ഹെന്‍ട്രിയുടെ പേരില്ലാത്തത്.നിയമസഭാ തെരഞ്ഞെടുപ്പില്‍ വടക്കന്‍ ജലന്ദറില്‍ അദ്ദേഹം മത്സരിക്കുമെന്നാണു കരുതുന്നത്. അദ്ദേഹത്തിന്റെ പേര് പട്ടികയില്‍നിന്നു നീക്കം ചെയ്യണമെന്ന് ആവശ്യപ്പെട്ട് സമര്‍പ്പിച്ച പരാതിയിലാണു നടപടി. പരാതിയില്‍ വ്യക്തമാക്കിയ കാരണങ്ങള്‍ കണ്ടെത്തിയതിന്റെ അടിസ്ഥാനത്തിലാണ് ഹെന്‍ട്രിയുടെ പേര്‍ പട്ടികയില്‍നിന്നു നീക്കിയതെന്ന് തെരഞ്ഞെടുപ്പ് കമ്മിഷന്‍ വൃത്തങ്ങള്‍ അറിയിച്ചു.