ഫറോക്ക്: ഓടിക്കൊണ്ടിരുന്ന സ്വകാര്യ ബസിന്റെ മുന്‍ചക്രം ഊരിത്തെറിച്ചു ബൈക്ക് യാത്രികന് പരുക്ക്. ഇന്നലെ വൈകിട്ടു നാലിനു രാമനാട്ടുകരയിലെ എയര്‍പോര്‍ട്ട് റോഡില്‍ ഏറെതിരക്കുള്ള ജങ്ഷനിലാണ് അപകടം.
കോഴിക്കോട് നിന്ന് പാലക്കാട്ടേക്ക് പോവുകയായിരുന്ന ബസിന്റെ ഇടതു ഭാഗത്തെചക്രമാണ് ഊരിത്തെറിച്ചത്. ഈസമയം അതുവഴി ബൈക്കില്‍ പോവുകയായിരുന്ന രാമനാട്ടുകര താഴെതൊടി വളപ്പന്‍ നൗഫലിനാണ് (40)പരിക്കേറ്റത്. ഇയാളെ ചുങ്കത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
ബസിന് വേഗത കുറവായതിനാല്‍ വന്‍ അപകടം ഒഴിവായി. അപകടത്തെത്തുടര്‍ന്ന് രാമനാട്ടുകരയില്‍ ഏറെനേരം ഗതാഗത തടസമുണ്ടായിരുന്നു.