വാഷിങ്ടണ്‍: കൊല്ലപ്പെട്ട അല്‍ഖാഇദ നേതാവ് ഉസാമ ബിന്‍ ലാദന്റെ മകന്‍ ഹംസ ബിന്‍ ലാദനെ അമേരിക്ക അന്താരാഷ്ട്ര ഭീകരനായി പ്രഖ്യാപിച്ചു. 20 കാരനായ ഹംസ ബിന്‍ ലാദന്‍ 2015 മുതല്‍ അല്‍ഖാഇദയില്‍ ഔദ്യോഗികമായി അംഗമാണ്. പാശ്ചാത്യ രാജ്യങ്ങളുടെ തലസ്ഥാന നഗരികളെ ആക്രമിക്കാന്‍ ഹംസ ലാദന്‍ ആഹ്വാനം ചെയ്തിരുന്നതായി യു.എസ് സ്റ്റേറ്റ് ഡിപ്പാര്‍ട്ട്‌മെന്റ് റിപ്പോര്‍ട്ട് ചെയ്തു.
2011 ല്‍ പാകിസ്താനിലെ അബട്ടാബാദിലെ ഒളിവുസങ്കേതത്തില്‍ വച്ചാണ് ഉസാമ ബിന്‍ ലാദനെ യു.എസ് പിടികൂടി വധിക്കുന്നത്. അന്ന് ഒളിവുസങ്കേതത്തില്‍ ഹംസ ബിന്‍ ലാദന്‍ ഉണ്ടായിരുന്നില്ല.