റിയാദ്: സഊദി-യമന്‍ അതിര്‍ത്തിയില്‍ ഹൂതികള്‍ക്ക് നേരെ സഖ്യസേനയുടെ മിന്നലാക്രമണം. വ്യാഴാഴ്ച്ച രാവിലെ നജ്‌റാനില്‍ അതിര്‍ത്തി പ്രദേശത്താണ് സഊദിയുടെ നേതൃത്വത്തില്‍ മിന്നലാക്രമണം നടന്നത്.
ഹൂതികള്‍ക്ക് കനത്ത നാശമുണ്ടായെന്ന് സഖ്യസേന അറിയിച്ചു. യു.എ.ഇ സൈന്യമാണ് സഊദി അതിര്‍ത്തി കടന്ന് ജിസാനില്‍ ഒളിയാക്രമണം നടത്തിയത്.
വിമതരെ തുരത്തിയതായും പത്തുപേരെ പിടികൂടിയതായും സഖ്യസേനാ വൃത്തങ്ങള്‍ പറഞ്ഞു.
വിമതരില്‍ നിന്ന് പിടിച്ചെടുത്ത താഇസിലെ റേഡിയോ നിലയത്തില്‍ നിന്നുമാണ് ആക്രമണങ്ങള്‍ നിയന്ത്രിച്ചതെന്നു സഖ്യ സേന വ്യക്തമാക്കി.