കോഴിക്കോട്: സംസ്ഥാന മനുഷ്യാവകാശ സംരക്ഷണ കേന്ദ്രവും മലബാര്‍ ഡവലപ്‌മെന്റ് ഫോറവും സംയുക്തമായി സെമിനാറും ആദരിക്കല്‍ ചടങ്ങും സംഘടിപ്പിക്കുന്നു. മലബാറിന്റെ ചിറകുറയ്ക്കാത്ത വികസന സ്വപ്‌നങ്ങള്‍ എന്ന വിഷയത്തില്‍ നടത്തുന്ന സെമിനാറില്‍ രാഷ്ട്രീയ സാംസ്‌കാരിക രംഗത്തെ പ്രമുഖര്‍ പങ്കെടുക്കുമെന്ന് ഭാരവാഹികള്‍ അറിയിച്ചു.
ഫെബ്രുവരി 17ന് കോഴിക്കോട് ഇന്‍ഡോര്‍ സ്‌റ്റേഡിയത്തിലാണ് ചടങ്ങ്. മനുഷ്യാവകാശ പ്രവര്‍ത്തകന്‍ ജോയ് കൈതാരം, പി.എ ഹംസ, എം.ഡി.എഫ് ഭാരവാഹിയായി തെരഞ്ഞെടുക്കപ്പെട്ട കണ്ണന്‍ ചെറുവാടി എന്നിവരെ വേദിയില്‍ ആദരിക്കുമെന്നും ഭാരവാഹികള്‍ കൂട്ടിച്ചേര്‍ത്തു.
വാര്‍ത്താ സമ്മേളനത്തില്‍ ഗുലാം ഹുസൈന്‍ കൊളക്കാടന്‍, ഉസ്മാന്‍ ചാത്തംചിറ, ടി.പി സാഹിര്‍, നിസ്താര്‍ ചെറുവണ്ണൂര്‍, കണ്ണന്‍ ചെറുവാടി, ജോയി മേളത്ത് സംബന്ധിച്ചു.