കൈതക്കല്‍: ശുചീകരണ പ്രവര്‍ത്തനത്തില്‍ മാതൃകയായി കുരുന്നുകള്‍. പനമരം കൈതക്കല്‍ ഡിപ്പോ പരിസരത്തെ 10 വയസ്സിനു താഴെയുള്ള ഇരുപതോളം കുട്ടികള്‍ ചേര്‍ന്ന് ഇന്നലെ രാവിലെ എട്ടോടെ വൃത്തിഹീനമായ കൈതക്കല്‍-കുമ്പാരതെരുവ്-പരക്കുനി റോഡിന്റെ ഒരു കിലോമീറ്റര്‍ ദൂരമാണ് വൃത്തിയാക്കിയത്. റോഡരികിലെ കാടുകളും പ്ലാസ്റ്റിക്ക് മാലിന്യങ്ങളും നീക്കം ചെയ്തു. ആരുടെയും പ്രേരണ കൂടാതെയാണ് ഇത്തരം ശുചീകരണ പ്രവര്‍ത്തനം നടത്തിയത്. പ്രദേശത്തെ നേഹ ഫാത്തിമ (10), ആയിഷ നിംറാ (10), അനുഷ് (8), റിഹാന്‍ (7), നിജിന്‍ (6), ആയിഷ നൗഫല്‍ (5) മനു(3), റിച്ചു (6), കുഞ്ഞാവ (4), ബാജിത് (6) തുടങ്ങിയവരുടെ നേതൃത്വത്തിലായിരുന്നു ഈ മാതൃകാ പ്രവര്‍ത്തനം. കുരുന്നുകളെ ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് നേരിട്ടെത്തി അഭിനന്ദിക്കുകയും ചെയ്തു.