കൊളത്തൂര്‍: രാത്രിസമയത്ത് തണല്‍ മരം മുറിച്ചുമാറ്റി. പെരിന്തല്‍മണ്ണ  പട്ടാമ്പി റോഡില്‍ കട്ടുപ്പാറയില്‍ ന്യൂ പാലസ് ഹോട്ടലിനു സമീപത്തുള്ള തണല്‍മരമാണ് കഴിഞ്ഞ ദിവസം രാത്രി മുറിച്ചു മാറ്റിയത്.
സമീപ പ്രദേശത്തെ ഏക തണല്‍മരമായിരുന്ന ബദാം മരമാണ് മുറിച്ചു മാറ്റിയത്. ഇതുവഴി സഞ്ചരിക്കുന്ന യാത്രികരെല്ലാം താല്‍ക്കാലിക ആശ്വാസത്തിനായി ഈ മരത്തണലിനെയാണ് ആശ്രയിച്ചിരുന്നത്.
നാടിനു തണലേകുന്ന ഇത്തരം മരങ്ങളെ മുറിച്ചു മാറ്റുന്നതിനെതിരെ അധികൃതര്‍ കര്‍ശനമായ നടപടികള്‍ കൈകൊള്ളണമെന്നും നാട്ടുകാര്‍ പറഞ്ഞു.