കൊണ്ടോട്ടി:  കഴിഞ്ഞ ദിവസം കഞ്ചാവ്  നല്‍കുന്നതിനെച്ചൊല്ലിയുളള തര്‍ക്കത്തില്‍ മധ്യവയസ്‌കനെ യുവാവു കുത്തി പരുക്കേല്‍പ്പിച്ചു. അരിമ്പ്ര സ്വദേശി മൊയ്തീന്‍ കുട്ടി(50)ആണ് പരുക്കേറ്റു കോഴിക്കോട് മെഡിക്കല്‍ കോളജ് അശുപത്രിയില്‍ ചികിത്സയിലുള്ളത്. സംഭവുമായി ബന്ധപ്പെട്ട് നമ്പോലംകുന്ന് സ്വദേശി ജോബിഷ് (27) പൊലിസ് അറസ്റ്റ് ചെയ്തു.
  അങ്ങാടിയിലെ നഗരസഭയുടെ കെട്ടിടത്തിനു സമീപമാണ് കഞ്ചാവു വില്‍പ്പനക്കാരുടെ പ്രധാന താവളം. ഏഴുമണിയോടെ യാത്രക്കാരും കുറയുന്നതിനാല്‍ കച്ചവടം കൂടും. ആവശ്യക്കാരേറെയും അന്യസംസ്ഥാന തൊഴിലാളികളാണ്. മൂന്ന് വര്‍ഷം മുന്‍പാണ് ഇവിടെ  യുവാവ് അമിത ലഹരി ഉപയോഗിച്ച്  മരിച്ചത്. പെരിന്തല്‍മണ്ണ, കോഴിക്കോട് ഭാഗങ്ങളില്‍ നിന്നെത്തുന്ന കഞ്ചാവ് ആവശ്യക്കാര്‍ക്ക് എത്തിച്ചു നല്‍കാന്‍ ഇടനിലക്കാരേറെയുണ്ട്. കൊണ്ടോട്ടിയില്‍ കഞ്ചാവ് സുലഭമാണെന്ന് ആക്ഷേപം ഉയര്‍ന്നിട്ടുണ്ട്. യുവാക്കളും മധ്യവയസ്‌കരുമാണ് കഞ്ചാവ് തേടിയെത്തുന്നവരിലേറെയും. കഞ്ചാവ് പ്രത്യേക ഇടങ്ങളില്‍ ഒളിപ്പിച്ച് പണം വാങ്ങുന്ന രീതിയാണ് നടക്കുന്നത്.