ഹരിപ്പാട്: മണ്ഡലത്തിലെ നിര്‍ദിഷ്ട മെഡിക്കല്‍ കോളജ് തട്ടിപ്പിന്റെ പുതിയ രീതിയാണെന്ന് സി.പി.ഐ സംസ്ഥാന എക്‌സിക്യൂട്ടീവ് അംഗം പി.പ്രസാദ് പറഞ്ഞു. പൊതുപണം സ്വകാര്യ മുതലാളിമാര്‍ക്ക് ലാഭം കൊയ്യാന്‍ കൊടുക്കുന്നതാണ് നിര്‍ദിഷ്ട മെഡിക്കല്‍ കോളജ്. കണ്‍സള്‍ട്ടന്‍സി കരാര്‍ നല്‍കിയതില്‍ നാല് കോടി രൂപയുടെ അഴിമതിയാണ് വിജിലന്‍സ് കണ്ടെത്തിയിട്ടുള്ളത്.
അഴിമതിക്ക് നേതൃത്വം കൊടുത്ത രമേശ് ചെന്നിത്തലയേയും ശിവകുമാറിനേയും പ്രതിയാക്കണമെന്നും അദ്ദേഹം ആവശ്യപ്പെട്ടു. ഹരിപ്പാട് എം.എല്‍.എയുടെ അഴിമതിക്കും കളളപ്രചരണത്തിനും എതിരെ സി.പി.ഐ ഹരിപ്പാട് മണ്ഡലം കമ്മറ്റി സംഘടിപ്പിച്ച ജനകീയ സദസ്സ് ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. യോഗത്തില്‍ കാര്‍ത്തികപ്പള്ളി മണ്ഡലം സെക്ര'റി പി.ബി സുഗതന്‍ അദ്ധ്യക്ഷത വഹിച്ചു.
ടി.ജെ.ആഞ്ചലോസ്, കെ.എം.ചന്ദ്രശര്‍മ്മ, എന്‍.രവീന്ദ്രന്‍, ഡി അനീഷ്, യു.ദിലീപ് എന്നിവര്‍ സംസാരിച്ചു.