പാലാ:രാമപുരത്ത് അയല്‍ വാസിയായ എട്ടാം ക്ലാസ് വിദ്യാര്‍ഥിനിയെ വീട്ടില്‍ കയറി പീഡിപ്പിക്കാന്‍ ശ്രമിച്ച യുവാവ് അറസ്റ്റില്‍.
ചേറ്റുകുളം വാര്‍ഡിലെ കോളനി നിവാസിയായ ദലിത് പെണ്‍കുട്ടിയെ പീഡിപ്പിക്കാന്‍ ശ്രമിച്ചതിന് വടക്കേമലയില്‍ പ്രകാശന്‍(46) ആണ് അറസ്റ്റിലായത്.
അയല്‍ വാസിയായ കുട്ടിയെ വീട്ടില്‍ ആരുമില്ലാതിരുന്ന സമയത്ത് വീട്ടില്‍ കയറി പീഡിപ്പിക്കാന്‍ ശ്രമിച്ചത്.
സ്‌കൂളില്‍ പോകാന്‍ തയ്യാറാകുന്നതിനിടയില്‍ രാവിലെ എട്ട് മണിയോടെയാണ് സംഭവം.
അമ്മയോടും, മുത്തശ്ശിയോടും കുട്ടി വിവരം പറഞ്ഞതിനെ തുടര്‍ന്ന് ഇവര്‍ സ്‌കൂള്‍ ഹെഡ്മാസ്റ്ററെ വിവരം അറിയിക്കുകയായിരുന്നു.തുടര്‍ന്ന് അധ്യാപകരും, പി.റ്റി.എ ഭാരവാഹികളും ചേര്‍ന്ന് ചൈല്‍ഡ്‌ലൈന്‍ പ്രവര്‍ത്തകരെ വിവരം അറിയിച്ചു.
ചൈല്‍ഡ്‌ലൈന്‍ പ്രവര്‍ത്തകരെത്തി മൊഴിയെടുത്തതിന് ശേഷം രാമപുരം പൊലിസില്‍ അറിയിക്കുകയും പൊലിസ് പ്രതിയെ അറസ്റ്റ് ചെയ്ത് റിമാന്‍ഡ് ചെയ്യുകയും ചെയ്തു.