നീലേശ്വരം: ഹരിതകേരളം പദ്ധതിയുടെ ഭാഗമായി നടത്തിയ പച്ചക്കറി കൃഷിയില്‍ വിളഞ്ഞതു നൂറുമേനി. നീലേശ്വരം നഗരസഭ അങ്കക്കളരിയിലെ കുടുംബശ്രീ പ്രവര്‍ത്തകര്‍ നടത്തിയ കൃഷിയിലാണു നൂറുമേനി വിളവെടുത്തത്. ഏഴേക്കര്‍ സ്ഥലത്തായിരുന്നു കൃഷി. ചീര, വെണ്ട, പച്ചമുളക്, നരമ്പന്‍, പാവയ്ക്ക, ചേന എന്നിവയാണു കൃഷി ചെയ്തത്.
നഗരസഭാ ചെയര്‍മാന്‍ പ്രൊഫ.കെ.പി ജയരാജന്‍ വിളവെടുപ്പ് ഉദ്ഘാടനം ചെയ്തു. കൗണ്‍സലര്‍ പി മനോഹരന്‍ അധ്യക്ഷനായി. സ്ഥിരംസമിതി അധ്യക്ഷ പി രാധ, സി.ഡി.എസ് ചെയര്‍പേഴ്‌സണ്‍ ടി.വി രേണുക, ശ്രീജ, കെ.വി വാസന്തി സംബന്ധിച്ചു.