തിരുവനന്തപുരം: സംസ്ഥാന പൊലിസില്‍ എസ്.പി റാങ്കിലെ 16 ഐ.പി.എസ് ഉദ്യോഗസ്ഥര്‍ക്കുകൂടി മാറ്റം. നേരിട്ട് ഐ.പി.എസ് ലഭിച്ച യുവഉദ്യോഗസ്ഥരെ കൂട്ടത്തോടെ മാറ്റി ജില്ലാ പൊലിസ് മേധാവികളായി ആരോപണവിധേയര്‍ അടക്കമുള്ളവരെ കഴിഞ്ഞദിവസം നിയമിച്ചതിനു പിന്നാലെയാണ് യുവ ഐ.പി.എസുകാരെ അപ്രധാന തസ്തികകളില്‍ നിയമിച്ചത്.
അനൂപ് കുരുവിള ജോണ്‍ (അസി.ഡയറക്ടര്‍ കേരള പൊലിസ് അക്കാദമി), എ. അക്ബര്‍ (സ്‌പെഷല്‍ ബ്രാഞ്ച് തിരുവനന്തപുരം), കോറി സഞ്ജയ് കുമാര്‍ ഗുരുഡിന്‍ (കമന്‍ഡാന്റ് കെ.എ.പി 4), രാജ്പാല്‍ മീണ (എസ്.പി റെയില്‍വേസ്), ഉമ ബെഹ്‌റ (വിജിലന്‍സ് കോഴിക്കോട്), പി.എ വല്‍സന്‍ (കമന്‍ഡാന്റ് ഐ.ആര്‍ ബറ്റാലിയന്‍), ആര്‍. നിശാന്തിനി (വിജിലന്‍സ് തിരുവനന്തപുരം), പി.എന്‍ ഉണ്ണിരാജന്‍ (ക്രൈംബ്രാഞ്ച് എറണാകുളം), തോംസണ്‍ ജോസ് (വിജിലന്‍സ് എറണാകുളം), ഡോ.എ. ശ്രീനിവാസ് (ക്രൈംബ്രാഞ്ച് കണ്ണൂര്‍), പി.എസ് ഗോപി (കമന്‍ഡാന്റ് എം.എസ്.പി), കെ.കാര്‍ത്തിക് (സ്‌പെഷല്‍ ബ്രാഞ്ച് തിരുവനന്തപുരം), ഹരിശങ്കര്‍ (എ.ഐ.ജി കോസ്റ്റല്‍ സെക്യൂരിറ്റി), ജെ. ഹിമേന്ദ്രനാഥ് (ഐ സിറ്റി തിരുവനന്തപുരം), കിരണ്‍ നാരായണ്‍ (എ.എസ്.പി ഇരിങ്ങാലക്കുട), സാം ക്രിസ്റ്റി ഡാനിയല്‍ (സ്‌പെഷല്‍ ബ്രാഞ്ച് തിരുവനന്തപുരം). ഇതില്‍ അനൂപ് കുരുവിള ദേശീയ അന്വേഷണ ഏജന്‍സിയില്‍ ഡെപ്യൂട്ടേഷന്‍ പൂര്‍ത്തിയാക്കി മടങ്ങിയതാണ്. മറ്റുപലരും ജില്ലാ പൊലിസ് മേധാവികളായിരുന്നു.