മഞ്ചേരി: തൃക്കലങ്ങോട് പഞ്ചായത്തില്‍ ക്ഷേമപെന്‍ഷനുകള്‍ അട്ടിമറിച്ച നടപടിയില്‍ പ്രതിഷേധിച്ച് പഞ്ചായത്ത് ബോര്‍ഡ് യോഗത്തില്‍ നിന്നും പ്രതിപക്ഷം ഇറങ്ങിപ്പോയി.
ഭരണസമിതിയുടെ പിടിപ്പുകേട് കാരണം വൃദ്ധര്‍, അംഗപരിമിതര്‍, കര്‍ഷക തൊഴിലാളികള്‍ തുടങ്ങിയ നിരവധി പേരുടെ പെന്‍ഷനുകള്‍ തടസ്സപ്പെട്ടുവെന്നാരോപിച്ചായിരുന്നു പ്രതിപക്ഷ ബഹളം. അടിയന്തിരമായി പെന്‍ഷന്‍ അപാകതകള്‍ നീക്കണമെന്ന് പ്രതിപക്ഷം ആവശ്യപ്പെട്ടു.