എടവണ്ണപ്പാറ: ഒളവട്ടൂര്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ ഗോള്‍ഡന്‍ ജൂബിലിയുടെ ഭാഗമായി റെയിഞ്ചിലെ മദ്‌റസ അധ്യാപകന് വീട് വച്ചുനല്‍കുന്നു . വിവിധ പദ്ധതികളോടെ ഒരു വര്‍ഷം നീണ്ടുനില്‍ക്കുന്ന പരിപാടികളാണ് റെയിഞ്ചിന്റെ ഗോള്‍ഡന്‍ ജൂബിലിയുടെ ഭാഗമായി നടക്കുന്നത്. ബൈതുന്നൂര്‍ എന്ന പേരില്‍ റെയിഞ്ച് നിര്‍മിച്ചു നല്‍കുന്ന വീടിന്റെ കുറ്റിയടിക്കല്‍ കര്‍മം കോഴിക്കോട് വലിയ ഖാളി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിച്ചു. റെയിഞ്ച് പ്രസിഡന്റ് വീരാന്‍കുട്ടി ഹാജി അധ്യക്ഷനായി. സെക്രട്ടറി കെ.പി സൈതലവി ഫൈസി, ഇര്‍ഷാദ് ഫൈസി, ജലീല്‍ ഒളവട്ടൂര്‍, ഹുസ്സന്‍ കുട്ടി, പോക്കരുട്ടി സംസാരിച്ചു.