വണ്ടൂര്‍: ടൗണ്‍ സൗന്ദര്യവത്കരണത്തിന്റെ ഭാഗമായി ഗ്രാമപഞ്ചായത്തിന്റെ ഉടമസ്ഥതയിലുള്ള കെട്ടിടത്തില്‍ കച്ചവടക്കാര്‍ അനധികൃതമായി ഇറക്കിയ കെട്ടിടഭാഗങ്ങള്‍ പൊളിച്ചു മാറ്റാനുള്ള ഭരണസമിതിയുടെ തീരുമാനം നടപ്പാക്കിയ പ്രസിഡന്റടക്കമുള്ള യു.ഡി.എഫ് ജനപ്രതിനിധികള്‍ക്കെതിരെ കള്ളക്കേസ് നല്‍കിയവര്‍ വികസന വിരോധികളെന്ന് മണ്ഡലം കോണ്‍ഗ്രസ്. തിരഞ്ഞെടുക്കപ്പെട്ട ജനപ്രതിനിധികള്‍ നാടിന്റെ വികസനത്തിനും പുരോഗതിക്കും വേണ്ടി പ്രവര്‍ത്തിക്കുമ്പോള്‍ ഇവരെ വ്യാപാരി സമൂഹത്തിനെതിരെയുള്ളവരെന്ന് മുദ്രകുത്താനുള്ള നീക്കം തിരിച്ചറിയണം. യോഗത്തില്‍ പ്രിസിഡന്റ് പി അബ്ദുല്‍ സലാം ഏമങ്ങാട് അധ്യക്ഷനായി.