കായംകുളം: പട്ടാപ്പകല്‍ യുവതിയെ കടന്നു പിടിച്ച രണ്ട് പേരെ കായംകുളം പൊലിസ് പിടികൂടി. ഓച്ചിറ മേന്മന സ്വദേശി നിധിന്‍, വിശാഖ് എന്നിവരെയാണ് പൊലിസ് പിടികൂടിയത്.

രാവിലെ കായംകുളം കെ.എസ് ആര്‍ ടി സി ജംഗ്ഷന് സമീപം നടന്ന് പോകുകയായിരുന്ന യുവതിയെ സ്‌കൂട്ടറില്‍ എത്തിയ യുവാക്കല്‍ കടന്ന് പിടിക്കുകയായിരുന്നു.യുവതി ബഹളം വെച്ചതിനെ തുടര്‍ന്ന് ഇവര്‍ രക്ഷപ്പെട്ടു.

തുടര്‍ന്ന് യുവതി കഴിഞ്ഞ ദിവസം ഇവര്‍ ഓടിച്ച സ്‌കൂട്ടറിന്റെ നമ്പര്‍ സഹിതം പരാതി നല്‍കിയതിനെ തുടര്‍ന്നാണ് ഇവരെ പൊലിസ് അറസ്റ്റ് ചെയ്തത്.

കഴിഞ്ഞ ദിവസം ബംഗളുരുവില്‍ സമാനമായ രീതിയില്‍ സ്‌കൂട്ടറിലെത്തിയ സംഘം പെണ്‍കുട്ടിയെ കടന്നുപിടിച്ചിരുന്നു.