ന്യൂഡല്‍ഹി: നോട്ട് പിന്‍വലിക്കലിന് മുന്‍പ് നടന്ന ബാങ്കിടപാടുകളും പണത്തിന്റെ നിക്ഷേപവും കേന്ദ്ര സര്‍ക്കാര്‍ പരിശോധിക്കുന്നു. 2016 ഏപ്രില്‍ ഒന്നു മുതല്‍ നവംബര്‍ ഒന്‍പത് വരെയുള്ള ഇടപാടുകളാണ് പരിശോധിക്കുന്നത്. ബാങ്കുകള്‍ പോസ്‌റ്റോഫീസുകള്‍ എന്നിവിടങ്ങളില്‍ നടന്ന പണമിടപാടുകളാകും പരിശോധിക്കുക.

ഇതില്‍ രണ്ടര ലക്ഷത്തിന് മുകളില്‍ നിക്ഷേപം ഉണ്ടോ എന്നും ഇവരുടെ രേഖകളും ഹാജരാക്കാന്‍ ധനമന്ത്രാലയം ബാങ്കുകളോട് ആവശ്യപ്പെട്ടിട്ടുണ്ട്. ജനുവരി 15നകം രേഖകള്‍ സമര്‍പ്പിക്കാനാണ് നിര്‍ദേശം നല്‍കിയത്.

കറന്റ് അക്കൗണ്ടുകളിലെ 12.5 ലക്ഷം മുകളില്‍ നടന്ന ഇടപാടുകളും പരിശോധിക്കും. നിക്ഷേപകര്‍ ഇതുവരെ പാന്‍കാര്‍ഡോ ഫോം60ഓ സമര്‍പ്പിച്ചിട്ടില്ലെങ്കില്‍ അതും പരിശോധിക്കും. കേന്ദ്ര ധനമന്ത്രാലയം കഴിഞ്ഞ ദിവസമാണ് പുതിയ സര്‍ക്കുലര്‍ പുറത്തിറക്കിയത്.