ബഗ്ദാദ്:കിഴക്കന്‍ ബഗ്ദാദിലുണ്ടായ കാര്‍ ബോംബ് സ്‌ഫോടനത്തില്‍ 11 പേര്‍ കൊല്ലപ്പെട്ടു. ശീഈ വിഭാഗത്തിന് സ്വാധീനമുള്ള സദര്‍ സിറ്റിയിലെ പച്ചക്കറി കമ്പോളത്തിലായിരുന്നു സ്‌ഫോടനം. സംശയം തോന്നിയ വാഹനത്തിന് നേരെ സുരക്ഷാസേന വെടിവച്ചതോടെ ഡ്രൈവര്‍ കാര്‍ തകര്‍ക്കുകയായിരുന്നു. നിരവധി പേര്‍ക്ക് പരുക്കേറ്റതായും റിപ്പോര്‍ട്ടുണ്ട്.
ഐ.എസ് സ്‌ഫോടനത്തിന്റെ ഉത്തരവാദിത്തം ഏറ്റെടുത്തിട്ടുണ്ട്. ഐ.എസിന് കീഴില്‍ പ്രവര്‍ത്തിക്കുന്ന അമാഖ് വാര്‍ത്താ ഏജന്‍സിയാണ് ഉത്തരവാദിത്തം ഏറ്റെടുക്കുന്നതായി അറിയിച്ചത്. കഴിഞ്ഞ രണ്ടിന് ശീഈ വിഭാഗത്തെ ലക്ഷ്യമാക്കിയുള്ള സമാനമായ സ്‌ഫോടനത്തില്‍ 35 പേര്‍ കൊല്ലപ്പെട്ടിരുന്നു.