കോതമംഗലം: നഗരമധ്യത്തില്‍ പെട്രോള്‍ പമ്പിന് സമീപം കൂട്ടിയിട്ടിരുന്ന പാഴ്‌വസ്തുക്കള്‍ക്ക് തീപിടിച്ചു. ഒഴിവായത് വന്‍ ദുരന്തം. ഇന്നലെ ഉച്ചയോടെയാണ് പ്രസ്സ് ക്ലബ്ലിനു സമീപത്തുള്ള സ്വകാര്യ വ്യക്തിയുടെ വിജനമായ സ്ഥലത്ത് ഉണ്ടായിരുന്ന പാഴ്‌വസ്തുക്കള്‍ക്കാണ് തീപിടിച്ചത്.
ആളിപടര്‍ന്ന തീ തുറസായി കിടക്കുന്ന സ്ഥലത്തെ കുറ്റി കാടുകളിലേക്കും പടര്‍ന്നു. തീ പടര്‍ന്നതിനു സമീപത്ത് പെട്രോള്‍ പമ്പും മറ്റ് നിരവധി കച്ചവടസ്ഥാപനങ്ങളുമുണ്ട്.
കൂടുതല്‍ ഭാഗങ്ങളിലേക്ക് തീപിടിക്കുയാണന്നു കണ്ട് സമീപത്തെ കച്ചവടക്കാരാണ് ഫയര്‍ഫോഴ്‌സിനെ വിവരം അറിയിച്ചത്.
കോതമംഗലം ഫയര്‍ഫോഴ്‌സിലെ സ്റ്റേഷന്‍ ഓഫീസര്‍ സതീഷിന്റെ നേതൃത്യത്തില്‍ എല്‍.എഫ്.എല്‍ദോ റ്റി.കെ, ഫയര്‍മാന്‍മാരായഇബ്രാഹിം, ജംഷാദ്, മനു, രജ്ഞിത്ത്, സാംബു, സി.എ.നിഷാദ്, സജിന്‍ എന്നിവരടങ്ങുന്ന സംഘം അരമണികൂറോളംനടത്തിയ ശ്രമഫലമായാണ് തീ അണയ്ക്കാനായത്.