കടുത്തുരുത്തി: കഞ്ചാവ് വില്‍പന നടത്തിയ യുവാവിനെ കടുത്തുരുത്തി പൊലിസ് പിടികൂടി. ഓണംതുരുത്ത് കുറ്റിവളച്ചേല്‍ ജോമോനെ(ആന്റെണി ജോയി-26)യാണ് കടുത്തുരുത്തി സി.ഐ കെ.പി തോംസണിന്റെ നേതൃത്വത്തില്‍ പിടികൂടിയത്.
കല്ലറമാര്‍ക്കറ്റ് ജങ്ഷനു സമീപം കഞ്ചാവ് വില്‍പന നടത്തുന്നതിനിടെയാണ് അറസ്റ്റ്. കല്ലറയിലും പരിസരപ്രദേശങ്ങളിലും കഞ്ചാവ് വില്‍പനയും ഉപയോഗവും ശക്തമാണെന്ന കോട്ടയം പൊലിസ് മേധാവിക്കു ലഭിച്ച പരാതിയെത്തുടര്‍ന്നു പരിശോധന ശക്തമാക്കിയിരുന്നു.
വരുംദിവസങ്ങളിലും കടുത്തുരത്തി സര്‍ക്കിള്‍ പരിധിയില്‍ പരിശോധന ശക്തമാക്കുമെന്ന് സി.ഐ അറിയിച്ചു.