ഈരാറ്റുപേട്ട: കാഞ്ഞിരപ്പള്ളിയില്‍ നടന്ന കോട്ടയം ജില്ലാ സ്‌കൂള്‍ കലോത്സവത്തില്‍ മുസ്‌ലിം ഗേള്‍സ് ഹയര്‍ സെക്കന്‍ഡറി സ്‌കൂളിനു വീണ്ടും മികച്ച നേട്ടം.
ഹൈസ്‌കൂള്‍ വിഭാഗം അറബി കലോത്സവത്തില്‍ 84 പോയിന്റോടെ സ്‌കൂളിന് ഓവറോള്‍ ചാംപ്യന്‍ഷിപ്പ് ലഭിച്ചു. യു.പി വിഭാഗം അറബി കലോത്സവത്തില്‍ രണ്ടാം സ്ഥാനവും ജനറല്‍ വിഭാഗത്തില്‍ മൂന്നാം സ്ഥാനവും നേടി. ഹയര്‍ സെക്കന്‍ഡറി വിഭാഗത്തില്‍ നാലാം സ്ഥാനവും ഹൈസ്‌കൂള്‍ വിഭാഗത്തില്‍ ഏഴാം സ്ഥാനവും ലഭിച്ചു. കണ്ണൂരില്‍ നടക്കുന്ന സംസ്ഥാന കലോത്സവത്തില്‍ വിവിധയിനങ്ങളിലായി മത്സരിക്കാന്‍ 24 വിദ്യാര്‍ഥികള്‍ അര്‍ഹത നേടിയിട്ടുണ്ട്. വിജയികളെ സ്‌കൂള്‍ മാനേജ്‌മെന്റ്, പി.ടി.എ കമ്മിറ്റികള്‍ അഭിനന്ദിച്ചു.