കോഴിക്കോട്: മെയ്‌വഴക്കത്തിന്റെ ദൃശ്യചാരുതയില്‍ വേദി ഒന്ന് മൈലാഞ്ചിയില്‍ നടന്ന പൂരക്കളിയില്‍ മേമുണ്ട എച്ച്.എസ്.എസിന്റെ കുത്തക തകര്‍ത്ത് സെന്റ് ജോസഫ്‌സ് ബോയ്‌സ് എച്ച്.എച്ച്.എസിലെ കലാകാരന്മാര്‍. പതിറ്റാണ്ടിലേറെയായി മേമുണ്ട എച്ച്.എസ്.എസിന്റെ കുത്തകയായിരുന്നു പൂരക്കളിയിലെ വിജയം. ഹൈസ്‌കൂള്‍ വിഭാഗത്തില്‍ സി.പി അര്‍ജുനും സംഘവും ഹയര്‍ സെക്കന്‍ഡറി വിഭാഗത്തില്‍ അഭിരാമും സംഘവുമാണ് പൂരക്കളിയില്‍ സെന്റ് ജോസഫ്‌സ് എച്ച്.എസ്.എസിനു വേണ്ടി ഒന്നാം സ്ഥാനം നേടിയത്.
പയ്യന്നൂര്‍ നാരായണന്‍ ഗുരുക്കളാണ് ഇരുടീമുകളെയും പരിശീലിപ്പിച്ചത്.