കല്‍പ്പറ്റ: കേന്ദ്രസര്‍ക്കാര്‍ നടപടികളില്‍ പ്രതിഷേധിച്ച് യൂത്ത് ലീഗ് ഇന്ന് ജില്ലയിലെ 26 കേന്ദ്രങ്ങളില്‍ ക്യൂ വലയം സംഘടിപ്പിക്കും. ജില്ലാ പ്രസിഡന്റ് കെ ഹാരിസ് മേപ്പാടിയിലും ജനറല്‍ സെക്രട്ടറി സി കെ ഹാരിഫ് മീനങ്ങാടിയിലും ട്രഷറര്‍ സലീം കേളോത്ത് പനമരത്തും ഉദ്ഘാടനം ചെയ്യും. ക്യൂ വലയത്തിന്റെ ജില്ലാ തല ഉദ്ഘാടനം സുല്‍ത്താന്‍ ബത്തേരിയില്‍ സംസ്ഥാന വൈസ് പ്രസിഡന്റ് പി ഇസ്മായില്‍ നിര്‍വഹിച്ചു. എം.കെ ഇബ്രാഹിം അധ്യക്ഷനായി. ഹാരിസ് പടിഞ്ഞാറത്തറ, സി.കെ ആരിഫ്, ആരിഫ് തണലോട്ട്, അസീസ്, റിയാസ് കല്ലുവയല്‍, അബ്ദുല്ല മാടക്കര, കോണിക്കല്‍ കാദര്‍, നൗഷാദ്, കെ.പി അഷകറലി സംബന്ധിച്ചു.