കാസര്‍കോട്: മധൂര്‍ റോഡിലെ കറന്തക്കാട് കൃഷ്ണ തിയറ്ററിനു സമീപത്തെ ഐസ്‌ക്രീം പാര്‍ലറില്‍ വന്‍ തീപിടിത്തം. ഇന്നലെ പുലര്‍ച്ചെ മൂന്നരയോടെയാണു തീപിടിത്തമുണ്ടായത്. മധൂരിലെ സുരേന്ദ്രന്‍ നായരുടെ ഉടമസ്ഥതയിലുള്ള സുരഭി ഐസ്‌ക്രീം പാര്‍ലറാണ് അഗ്നിക്കിരയായത്. ഐസ്‌ക്രീം പാര്‍ലര്‍ ഭാഗികമായി കത്തിനശിച്ചു.
12 ഓളം ഫ്രീസറുകള്‍ കത്തിനശിച്ചു. ഫയര്‍ഫോഴ്‌സിന്റെ രണ്ടു യൂനിറ്റുകള്‍ എത്തി ഒരു മണിക്കൂര്‍ നീണ്ട പരിശ്രമത്തിനൊടുവിലാണു തീയണക്കാനായത്. രണ്ടു ലക്ഷത്തിന്റെ നഷ്ടം കണക്കാക്കുന്നു.