മലപ്പുറം: കോഴിയുമായി വന്ന മിനിലോറി നിയന്ത്രണംവിട്ട് വീട്ടിലേക്ക് പാഞ്ഞുകയറി മറിഞ്ഞു. ഇടിയുടെ ആഘാതത്തില്‍ വീടിന്റെ മുന്‍വശം തകര്‍ന്നു. വീട്ടുകാര്‍ അകത്തായിരുന്നതിനാല്‍ ദുരന്തം ഒഴിവായി. ലോറിയിലുണ്ടായിരുന്ന മുന്നൂറോളം കോഴികള്‍ ചത്തു.
ഇന്നലെ രാവിലെ 5.30ഓടെ ദേശീയ പാത പൂക്കോട്ടൂര്‍ പള്ളിപ്പടിയിലാണ് അപകടം. പാലക്കാട് ഭാഗത്തു നിന്നു കോഴിക്കോട് ഭാഗത്തേക്ക് കോഴികളുമായി പോകുകയായിരുന്നു മിനിലോറി.
വാഹനത്തിലുണ്ടായിരുന്ന ഡ്രൈവടക്കമുള്ള മൂന്ന് പേര്‍ പരുക്കേല്‍ക്കാതെ രക്ഷപ്പെട്ടു. അപകടം നടന്നയുടന്‍ നാട്ടുകാരെത്തി രക്ഷാപ്രവര്‍ത്തനം നടത്തി.