കോട്ടക്കല്‍: നിര്‍ത്തിയിട്ട കാറിനു പിന്നില്‍ കാറിടിച്ച് ആറുപേര്‍ക്ക് പരുക്ക്. ഇന്നലെ കോട്ടക്കല്‍ പുത്തൂര്‍ ബൈപാസിലാണ് അപകടം. ആമ്പാറ മദ്‌റസുംപടി പൊട്ടേങ്ങല്‍ സല്‍മാന്‍ ഫാരിസ്(20), മദ്രസുംപടി തത്രംപള്ളി ഫൈസല്‍(24), മാട്ടുമ്മല്‍ റാഷിദ്(19), പട്ടത്തൊടി ജിതിന്‍(21), മാട്ടുമ്മമല്‍ സല്‍മാന്‍ഫാരിസ്(19), ആറ്റുപുറത്ത് ഹരികൃഷ്ണ(18) എന്നിവര്‍ക്കാണ് പരുക്കേറ്റത്.
ഇവര്‍ സഞ്ചരിച്ച കാറ് കോട്ടക്കല്‍ പുത്തൂര്‍ ബൈപാസില്‍ നിര്‍ത്തിയിട്ടിരുന്ന കാറില്‍ ഇടിക്കുകയായിരുന്നു. ഇടിയുടെ ആഘാതത്തില്‍ കാറുകള്‍ പാടത്തേക്ക് മറിഞ്ഞാണ് പരുക്കേറ്റത്.